Pediatras e Matronas Xa

  Os  pequenos e as pequenas importan! Demostrémolo cada día! O 20 novembro é o dia escollido para reivindicar a nivel internacional os Dereitos da Infancia : a medrar en liberdade, a unha identidade, á saúde, a unha familia, a unha boa educación, á protección e ó coidado, á integración, á igualdade de oportunidades…  Os tempos que nos tocan vivir activan en nós diversos replantexamentos como sociedade, mostran a nosa vulnerabilidade humana e as respostas e carencias sociais.  Queremos facer especial mención neste 20 de novembro á resiliência das nenas e nenos;  son exemplo de versatilidade e capacidade de adaptación.  Amósannos a diario que cada día é unha oportunidade, que o tempo é o agora e que a ilusión está nas pequenas cousas. Esta fortaleza infantil tamén implica a lóxica vulnerabilidade dunha persoa en fase de desenvolvemento, onde os primeiros anos teñen unha relevancia que marcarán en gran medida o seu futuro. É por iso que como comu...

“Para mudar o mundo, primeiro é preciso mudar o xeito de nacer” Esta mítica frase de comezo dos 80 é de Michel Odent . Por desgraza (tamén chamada incompetencia neste caso), non temos datos daquel entón, nin da actualidade, para comparar rigurosamente a situación 40 anos despois. Agora ben: facede repaso dos vosos nacementos, dos das vosas crianzas e das que vos rodean. Vedes cambios significativos? Non falamos duns meses, nin dun par de anos: ¡estamos a falar de catro décadas, e o nivel de violencia co que seguimos a recibir ás crianzas neste mundo segue a ser insoportable!  Si, violencia: Programar inducións e/ou cesáreas por protocolos obsoletos e sen ningunha evidencia científica cando mamá e bebé están ben é violencia, non respectar a intimidade no parto con entradas e saídas de persoal diverso e facendo tactos innecesarios é violencia, a maniobra Kristeller é violencia, episiotomías por protocolo e sen información nin consentimento son violencia, non tratar ...

  Queridas matronas: Nun día coma hoxe, tódalas mulleres queremos darvos as   grazas!   Grazas de parte das adolescentes que acompañades no seu primeiro período e na súa educación sexual,   e en nome de tódalas nais que se sinten acompañadas, apoiadas e aliviadas ao enfrontar ese capítulo da vida das súas fillas da man de profesionais coma vós. Grazas, tamén, de parte de tódalas mulleres que pasamos da vosa man por un embarazo , polo parto , polo puerperio , o establecemento da lactancia…   Grazas, especialmente, de parte de todas aquelas que perdemos ao noso bebé e somos arroupadas por unha matrona nun episodio tan tráxico e devastador da nosa vida. De parte de todas esas mamás que nos vemos aqueixadas pola depresión postparto e somos arroupadas pola man serena e sabia dunha matrona. E, chegando á vellez , cando o noso corpo cambia de novo para sumar vertixe aos anos que se nos botan enriba, tamén as matronas estades dispoñibles para facer e...

A Fundación Crecer Jugando, xunto coa Asociación Española de Fabricantes de Juguetes e as entidades, empresas e organizacións encadradas dentro do ámbito da infancia propoñen ao Goberno declarar o 26 de abril  como o “Día do Neno e da Nena”. A iniciativa, trata de eloxiar e homenaxear o comportamento das nosas crianzas nunha situación de vulnerabilidade como a que está a supoñer a crise sanitaria actual . Dende a A sociación Pediatras e Matronas Xa, queremos unirnos a este recoñecemento, e celebración , da valentía dunhas crianzas que foron, e continúan a ser   heroes e heroínas nunha situación tan complicada como esta pandemia, na que son un gran exemplo a seguir polo resto da sociedade en canto a adaptación, paciencia, alegría, e seguimento das normas.  E, como tal, queremos, tamén, lembrar que eles e elas son un dos piares da nosa loita . Que a infancia ten dereito á protección e coidado por parte de tódalas persoas e institucións , e debe ser a prioridade ...

UNHA CHAMADA Á MO BILIZACIÓN   A precariedade no sistema sanitario é unha realidade que atopou, na actual pandemia, un amparo para campar ás súas anchas. S e xa tiñamos unha sanidade enferma, isto non fixo máis que empeorar o problema. Únete á mobilización Dende a ASOCIACIÓN PEDIATRAS E MATRONAS XA queremos unirnos a SOS SANIDADE PÚBLICA para agrandar ese berro de protesta tan necesario.   Queremos amparar esta causa común e integrarnos nela, loitando por un servizo sanitario de calidade.   O mércores 21 de abril, ás 20:00 horas, fronte ó Concello de Cee, queremos MOBILIZARNOS PARA RECUPERAR O NOSO SISTEMA SANITARIO PÚBLICO .  As mo bilizacións e concentracións estenderanse ós principais municipios e cidades en todas as áreas sanitarias,   As REIVINDICACIÓNS da PLATAFORMA ampáranse en cinco pilares básicos:    - A NECESIDADE DE NORMALIZAR A ACTIVIDADE NOS CENTROS DE SAÚDE.  - UN PLAN PARA AFRONTAR AS LISTAS DE AGARDA...