Os pequenos e as pequenas importan! Demostrémolo cada día!
O 20 novembro é o dia escollido para reivindicar a nivel internacional os Dereitos da Infancia: a medrar en liberdade, a unha identidade, á saúde, a unha familia, a unha boa educación, á protección e ó coidado, á integración, á igualdade de oportunidades…
Os tempos que nos tocan vivir activan en nós diversos replantexamentos como sociedade, mostran a nosa vulnerabilidade humana e as respostas e carencias sociais.
Queremos facer especial mención neste 20 de novembro á resiliência das nenas e nenos;
son exemplo de versatilidade e capacidade de adaptación.
Amósannos a diario que cada día é unha oportunidade, que o tempo é o agora e que a ilusión está nas pequenas cousas.
Esta fortaleza infantil tamén implica a lóxica vulnerabilidade dunha persoa en fase de desenvolvemento, onde os primeiros anos teñen unha relevancia que marcarán en gran medida o seu futuro. É por iso que como comunidade temos a responsabilidade de garantir os dereitos da infancia tódolos dias.
Citando a Frederick Douglass: “ É máis fácil criar nen@s fortes, que reparar adult@s rotos”
Dende Pediatras e Matronas XA (https://linktr.ee/Pediatrasematronasxa ) levamos tempo alzando a voz para que estes dereitos sexan respetados, e de forma simbólica este 20 de novembro animámovos a participar para coller aire xuntos e seguir esixindo un dos dereitos máis básicos de calquer infante, o dereito á saúde, a ser atendido e acompañado con calidade e garantias.
Na atención primaria precisase atención de pediatras, que éstas sexan figuras de referencia, estables, que coñezan ás criaturas e as acompañen na súa evolución. Estes/as profesionais deberian ter unhas axendas que lle permitan facer revisións periódicas e que poidan dar resposta rápida cando @s cativ@s enferman; tamén agardamos que estean actualizad@s e poidan ofrecer a mellor calidade nas súas intervencions…
De igual maneira, a xestación é un periodo especialmente sensible que require dun seguemento personalizado, como é o das matronas na atención primaria, e o traballo en equipo co/a pediatra nas primeiras semanas, acompañañando a saúde materna, os cambios familiares e as orientacions para atender ás necesidades d@ bebé e da nai.
Para visibilizar @s dereitos dos nosos nenos e nenas, especialmente o dereito á saúde como un dos bens máis preciados, animámovos a participar:
O 20N sube unha fotoen branco e negro ás redes cos hashtag #pediatrasematronaxa
Cos brazos en cruz (X) e un globo, que nos impulse para coller aire e continuar xunt@s defendendo os nosos dereitos básicos.
Cada dia conta, cada persoa conta, cada foto simboliza unha necesidade que hai que cubrir.
Comentarios
Publicar un comentario