Ir al contenido principal

Día do Neno e da Nena

A Fundación Crecer Jugando, xunto coa Asociación Española de Fabricantes de Juguetes e as entidades, empresas e organizacións encadradas dentro do ámbito da infancia propoñen ao Goberno declarar o 26 de abril  como o “Día do Neno e da Nena”.

A iniciativa, trata de eloxiar e homenaxear o comportamento das nosas crianzas nunha situación de vulnerabilidade como a que está a supoñer a crise sanitaria actual.

Dende a Asociación Pediatras e Matronas Xa, queremos unirnos a este recoñecemento, e celebración, da valentía dunhas crianzas que foron, e continúan a ser  heroes e heroínas nunha situación tan complicada como esta pandemia, na que son un gran exemplo a seguir polo resto da sociedade en canto a adaptación, paciencia, alegría, e seguimento das normas. 

E, como tal, queremos, tamén, lembrar que eles e elas son un dos piares da nosa loita . Que a infancia ten dereito á protección e coidado por parte de tódalas persoas e institucións, e debe ser a prioridade para un país. Así o reclamamos dende a asociación a un Goberno que está deixando desprotexido o noso máis prezado tesouro, o noso futuro. Protexan a saúde dos nosos pequenos e pequenas!

 O 26 de abril será xa, sempre, o aniversario da data na que os nenos e nenas voltaron sair ás rúas, despois de ficar en confinamento durante 42 días. Resultou admirable o xeito no que encararon este peche obrigado, a súa valentía e saber estar. Se todos tivemos que adaptarnos a unha situación estraña, os nenos e nenas foron capaces de facelo dun xeito innato.

 A situación xerada pola crise sanitaria permitiunos ser conscientes, no ámbito das crianzas,  da importancia do xogo, do benestar dos nenos e nenas, da súa sociabilidade e interactuación co entorno.

 As crianzas son como lenzos en branco que empezan a ser pintados. Temos que ser conscientes diso, conscientes da súa permeabilidade . Debemos protexer a infancia e ensalzar a súa importancia nas estruturas sociais, e na vida en sí.

 “A única patria que tén un home é a súa infancia” Rainer María Rilke;

 É preciso protexer esa patria, nós temos as ferramentas para facelo. A proposta deste día conciéncianos a todos deste feito, e sobre todo, da necesidades de mellorar o entendemento e empatía cos nosos fillos e fillas. Sempre estamos a tempo de comprender, xogar, sentir e ser.

 COA SAÚDE NON SE XOGA







Siguenos en Facebook e Instagram



Comentarios

Entradas populares de este blog

COMO PODEMOS POÑER UNHA QUEIXA TELEMÁTICA NO SERGAS

A queixa é unha vía que ten o paciente para mostrar a súa disconformidade con un servicio sanitario; que interpoñamos unha queixa non impide que podamos facer unha reclamación pola vía administrativa ou xudicial. É máis, ambas vías poden ser ferramentas que se empreguen de xeito paralelo. As canles que permiten facer chegar á Administración unha queixa, son “de modo presencial”, “por correo postal” ou “por vía telemática” a través da sede electrónica do Sergas neste caso. Nesta páxina web pódense facer dixitalmente Achegas e Reclamacións ó Sergas. Precísase acceder mediante identificación electrónica, Chave 365 ou Certificado Dixital: https://accedesaude.sergas.es/ACCEDE/publico/multipleAction.do?idioma =es&CssSize=1&sso=0NaN0&idApp=393549513C4&urlRespuesta=https:/ /contacte.sergas.gal/QUEREW/consComCert.do URL curta: shorturl.at/dfhHY  Unha vez se entra, de forma sinxela e rápida débese clicar en RECLAMACIÓNS e especificar os seguintes datos: - Diri

Día Internacional das Matronas

  Queridas matronas: Nun día coma hoxe, tódalas mulleres queremos darvos as   grazas!   Grazas de parte das adolescentes que acompañades no seu primeiro período e na súa educación sexual,   e en nome de tódalas nais que se sinten acompañadas, apoiadas e aliviadas ao enfrontar ese capítulo da vida das súas fillas da man de profesionais coma vós. Grazas, tamén, de parte de tódalas mulleres que pasamos da vosa man por un embarazo , polo parto , polo puerperio , o establecemento da lactancia…   Grazas, especialmente, de parte de todas aquelas que perdemos ao noso bebé e somos arroupadas por unha matrona nun episodio tan tráxico e devastador da nosa vida. De parte de todas esas mamás que nos vemos aqueixadas pola depresión postparto e somos arroupadas pola man serena e sabia dunha matrona. E, chegando á vellez , cando o noso corpo cambia de novo para sumar vertixe aos anos que se nos botan enriba, tamén as matronas estades dispoñibles para facer ese tránsito máis levadei

Dia Europeo dos Dereitos dos Pacientes

  O 18 de abril conmemórase o Día Europeo dos Dereitos dos Pacientes. Unha data instaurada pola Carta dos Dereitos dos Pacientes, redactada en Roma en 2002 e que se inspira na Carta de Dereitos Fundamentales da Unión Europea. Este video recolle catorce dereitos dos pacientes en relación cos seus servizos de saúde, que hoxe, dende a Asociación Pediatras e Matronas Xa, queremos compartir para que non queden no olvido. Esíxeos, son teus! Siguenos nas redes sociais: Facebook , Instagram