Transitamos por unha vida chea de bendicións e obstáculos, todos nos empurran a conseguir a nosa esencia. Sentimos a fertilidade como algo que está en nos tanto como o latexo do noso corazón … ata que se covirte nun camiño espiñado, con dificultades, con dureza, con amargura …
Camiñar coa lousa da infertilidade é duro. Cámbianos a vida, e modifica por completo a nosa perspectiva das cousas. Se hai algo que causa auténtica dor na alma, é a imposibilidade de crear vida cando se desexa.
Despois de tantos anos de búsqueda chegaches a min, coma unha bendición; ir debullando cada escollo, apartando cada pedra, entendendo o sentido de cada obstáculo. Sentir a túa alma preto, elixindo o momento perfecto para conectar conmigo, ese momento no que decidiches vir e quedarte, ese no que sentiches era o mellor momento para os dous. Non hai día que non sinta agradecemento polo teu sorriso, e non hai día que non pense na dor doutras nais aínda esperando a que alma dos seus fillo as escolla.
Tomar conciencia da fertilidade, e da infertilidade, é algo que expón a nosa madurez como persoas; ver a perspectiva deste proceso dende o respecto e a solidaridade é algo preciso.
A comprensión, o apoio e a empatía son pilares nesta loita enmudecida.
A Asociación Pediatras e Matronas Xa, amosa o seu máis sinceiro apoio para que tomedes da man a afouteza que o voso entorno e familia vos brinden e poñer luz en todo o voso proceso. As matronas xogan un papel esencial na información e no acompañamento da parella nesta carreira de fondo. Da súa man, unha parella que pase por un bache na súa fertilidade pode atopar máis fácilmente o camiño para resolver as súas dificultades e lograr os seus desexos, e tamén para facer máis levadeiro o proceso ata logralo. Máis matronas son necesarias para poder facer todo este acompañamento, de xeito informado e con amparo psicolóxico e emocional . Dende a Asociación, loitamos para que asì sexa.
Comentarios
Publicar un comentario